Allwch chi fod yn Ymatebwr Cyntaf yn y Gymuned?
- Ydych chi’n mwynhau sialens?
- Ydych chi’n ymateb yn dda o dan bwysau ac yn parhau’n ddigynnwrf mewn argyfwng?
- Ydych chi’n falch o’r gymuned ble’r ydych yn byw ac yn dymuno rhoi rhywbeth yn ôl?
- Oes gennych chi amser rhydd ar eich dwylo?
- Ydych chi’n barod i ddysgu sgiliau arbed bywyd hanfodol?
- Oes gennych chi drwydded yrru lawn, glân?
- Ydych chi’n gymharol iach?
- Ydych chi dros ddeunaw oed?
Os ydych yn cytuno â’r holl gwestiynau, yna chi yw’r person rydym yn chwilio amdano i ymuno â chynlluniau a sefydlwyd eisoes neu i ddatblygu tîm newydd.
Beth sy’n digwydd pan fyddwch yn ymuno â thîm?
Bydd rhwydwaith o staff cefnogi Ymddiriedolaeth GIG Gwasanaethau Ambiwlans Cymru (WAST) yn hyfforddi gwirfoddolwyr gyda sgiliau arbed bywyd a sut i ddefnyddio’r offer sydd ar gael i ymatebwyr cyntaf.
Cyn dechrau hyfforddi, byddwch angen archwiliad CRB, archwiliad iechyd galwedigaethol a cherdyn adnabod. Pan fyddwch yn derbyn tystysgrif cydymffurfiaeth, hysbysir y canolfannau rheoli am y timau newydd a byddant yn gadael i’r gwirfoddolwr ar alwad wybod pan fydd angen cymorth.
Mae WAST yn annog pob tîm i fod yn hunangynhaliol, gan gynnwys penodi cydlynydd tîm gwirfoddol i helpu i reoli pob cynllun lleol yn annibynnol.
Parhau â diddordeb?
Yna, cwblhewch y ffurflen gyswllt ar lein neu lawr lwythwch y ffurflen gais a chysylltir â chi gan y grwp ymatebwyr lleol neu Ymddiriedolaeth GIG Gwasanaethau Ambiwlans Cymru pan gynhelir y sesiwn hyfforddi nesaf.